Udaltop jardunaldietan Emuneko Kristina Pavok hitzaldia eman zuen: Udaletako hizkuntza errolden esperientziak. Kristina Pavok hizkuntza erroldek dituzten helburu eta funtzio nagusiak zeintzuk diren azaldu zuen.

Hona hemen bideoa:

02 Kristina Pavo EMUN from Udaltop on Vimeo.

Kristina Pavoren ponentzia ere eskuragai dago.

Irakurtzen jarraitu...

Eduardo Apodacarekin hasi zen 2013ko Udaltop. Jakinmin handia sortu zen hitzaldi honen inguruan eta uste dut interesgarrienetako bat izan zela.

01 Eduardo Apodaka EHU from Udaltop on Vimeo.

“Nola aktibatu herritarrak udalarekin euskaraz jarduteko? Zer eta nola egin, euskaraz ikus gaitzaten?” izan da aurtengo gaia. Apodacak pertsonen aktibazioaz jardun zuen. Kode aldaketak (hizkuntza aldaketak) hizlariarengan sortzen duen ezinegonaz; segurtasuna eta autoestimua galtzen omen dira.

Talde-lanean 140 lagun inguru aritu ziren eta talde-laneko emaitzetatik proposamen hauek azpimarratu nahi ditugu:

         Herritar antolatuekin aliantzak egin. Herriko elkarteak euskara teknikarien aliatuak izan daitezke.

         Udalak irudi euskalduna ematea ezinbestekoa da herritarrek euskaraz egin dezaten. Horretarako, hizkuntza paisaiaz gain, langileen harrera euskaraz izatea da, lehenengo zein bigarren hitza naturaltasunez euskaraz egitea. 

         Langileen arteko ahozko harremanak arautu behar dira eta prestakuntza eskaini behar da, gaitasuna, prestutasuna eta jokaerak lantzeko. Arduradunek, politiko zein teknikoek, eredu izan behar dute.

         Zerbitzuei dagokionez, hizkuntza irizpideak definitu, arautu eta ezagutarazi egin behar dira. Kontratazio prozeduretan euskara ezarri eta jarraipena egin behar da.

         Gazteengan iristeko zubiak sortu, aliatuak bilatu. Gazteekin proiektuka jardutea eraginkorragoa da.

          Udalaren webgunearen sarrera, defektuz, euskaraz egon dadila eta edukiak samurtu eta erakargarri egin. Nabigatzaileak euskaraz jartzeko kanpainak egin eta webgunean kromoa jarri.

         Sare sozialetan egon behar du Udalak ere, euskara lehenetsiz. Adin tarte bakoitzari dagokion erabilera egin eta, behin sortuta, elikatu.

Gainontzeko hizlari guztien bideo eta argazkiak ere ikusgai daude sarean:
http://www.udaltop.com/bideoak
http://www.udaltop.com/argazkiak

Horrez gain, hitzaldien txostenak modu publikoan jarri dira eta udaltop.com helbidean edonork deskarga ditzake.

 Hemen hainbat lotura interesgarri:

https://twitter.com/PatxiSaez/status/321870443718012928

 Asapala elkartekoek laburpen iradokitzaile hau egin dute: http://www.asapala.org/maha[…]1&c=1&tb=1&pb=1

 

Irakurtzen jarraitu...

Apirilaren 26-27an Lasarte-Orian egingo den Udaltop topaketan hizkuntza erroldak izango ditu hizketagai Kristina Pavo, Emuneko teknikariak. Gaiaren inguruan aurrerapentxo bat egiteko eskatu diogu.

Kristina Pavo, Emuneko teknikaria.

“Hizkuntza erroldak herri administrazioen eta  herritarren arteko komunikaziorako estrategietako bat delakoan gaude.  Baina nola bideratzen ditugu herri-administrazio eta herritarren arteko komunikazioak eta harremanak?

Hainbat aldagai aztertuz jasotako informazioaren berri emango dugu, ikuspegi kuantitatibotik (hizkuntza errolda kopurua, mapa herrialdeka, hizkuntza errolda duten herri administrazioak zeintzuk diren, udal osoan edo sail batzuetan ezarrita duten…) , ikuspegi funtzionaletik (helburuak…)  eta ikuspegi historikotik (sorrera urteak, herritar kopuruak, aldaketa kuantitatibo zein kualitatiboa…).

Ikuspegi kualitatiboagoa ere aztertu dugu, ustez, baliagarriak diren praktikak eskura jarriz.

Esan beharra daukagu lan hau burutzeko guztira 187 herri administrazioekin bideratu dugula harremana. Horietatik, 131k erantzun du, emaitza kuantitatiboetan aurkeztuko dugun datuen arabera. Praktika baliagarriak irudikatzeko, berriz, 3 aukeratu ditugu. Horretarako bi irizpide kontuan izan ditugu:  irizpide geografikoa eta  praktika horien berezitasunak edota desberdintasunak.

Ondorio nagusi batzuk ere azalduko ditugu Udaltopen.”

Udaltop topaketan izena emateko epea apirilaren 19ra arte dago zabalik.

Irakurtzen jarraitu...


 Joxean Amundarain, Gipuzkoako Foru Aldundiko Euskara Zerbitzuko Normalkuntza programetako  atalburua da.

Bizitza petrala de tarteka. Azken urte hauetan petralaldi horietako bat bizi izatea egokitu zait; ondorioz, Donostialdeko makina bat erietxe, anbulatorio, gizarte zerbitzuetako bulego … bisitatzeko suertea izan dut. Azkena gaur bertan.

Halako toki gehienetan egoten da harrera gune bat  eta hara joaten naiz ni, euskara ahoan eta  TELPeko ikastaroetan ikasitakoa poltsikoan dudala. “Egun on …” Denetako bizipenak izan ditut, halere oraindik ere harritu egiten naiz euskaraz egin eta harritu aurpegia jartzen didatenean. Nola da posible hori gertatzea hizkuntza bat ofiziala izan eta 30 urtera? Non eta erakunde ofizial edo hitzartu batean?

Donostialdean bizi dut egoera hau, jakina; segituan konturatzen naiz zer izan daitekeen zerbitzu publikoak euskaraz jaso nahi izatea Euskal Herriko hainbat eta hainbat txokotan.

Jakina, mahaiaren beste aldetik ere bizi izan dut egoera hori. Lanean askotan izan dugun euskarazko zerbitzuen erabilera mintzagai. Hala esan izan digute tarteka,  gutxi erabiltzen direla euskarazko zerbitzuak (bide batez, zer da gutxi, zer da asko?), herritarrek ez dituztela (behar adina) eskatzen, aldaketa handiegiak egin beharko liratekeela, etab.

Eta inoiz txunditu izan naiz antolatu izan diren hainbat ekimenen ondoren ez delako kexarik argitaratzen edo kezkatu egiten naiz  hainbaten ahaleginek ez dutelako nahi izango genukeen (edo merezi izango luketen) erantzuna izan. Poztu ere, poztu egiten naiz, jakina, esaten didatenean berrogei mila gipuzkoarrek baino gehiagok harremanak euskaraz izan nahi dituztela Ogasunarekin.

Euskaldun aktibo naizen aldetik eraginkorrago nola izan jakin nahi dut. Administrazioko langile naizen aldetik herritarrek euskarazko zerbitzuak erabili ditzatela nahi dut, administrazioaren euskarazko eskaintza ikusgarriago egin nahi dut. Horretarako ezinbestekoa dut teoriekin janztea, ikerketak ezagutzea eta praktika zehatzen berri izatea.

Kezka horiek ditudalako joango naiz aurten Udaltopera. Beno, ez bakarrik horregatik, aspaldi ikusi gabeko lagunak ikusi nahi ditut, lankide berriak ezagutu nahi ditut, gure arlo profesionalean ze kezka dauden ezagutu nahi ditut … Baditut hamaika arrazoi aurten Lasartera joateko, eta zuk?

Irakurtzen jarraitu...

Eta halaxe egin genuen aurtengo Udaltop topaketan -ponentzien bideoak eskuragarri daude-; lehendabizi adituak entzun genituen eta, ondoren, talde-lanean, entzundakoaren barneratze eta kokatze lanari ekin genion.

120 bat lagun bildu ziren 10 taldetan; talde bakoitzean dekalogo bat osatu zen,  metodologia zehatz bat erabilita. Hamar dekalogo horien elkarketaren emaitza da “Hizkuntza-politika periferiatik erdigunera eta erdigunetik sail guztietara eramateko dekalogoa”:

Irakurtzen jarraitu...