Carrefour Oiartzunen bezero euskaldunekin ohiko harremanetan euskaraz moldatzeko ikastaroa

Osteguna, 2015eko martxoaren 12a

Carrefour Oiartzunen 2004. urtetik dute euskara plana martxan. Motibazioan, ezagutzan eta erabileran eragiteko askotariko ekintzak egin dituzte orain arte; horren haritik, iaz, Bikaineko oinarrizko ziurtagiria eskuratu zuten. Hainbat eremutan eragin ondoren, orain, bezeroekin euskarazko harremana ziurtatzea jarri dute erronkatzat.

DSC00018 (2)

Pasa den irailetik, astero, eta 2013an hasitako ikastaro bati segida emanez, Oinarrizko Euskara ikastaroa ematen ari gara bezeroekin lanean ari diren hainbat langileri Carrefourren. Bezero euskaldunekin ohiko harremanetan euskaraz moldatzea da ikastaroaren helburua. 15 minutuko ikastaro hau kutxa, frutategi, urdaitegi, harategi eta arrandegiko langileei dago bideratuta, eta ohiko agurrak, zenbakiak, bezeroarekiko ohiko harremanak eta beste hainbat nozio lantzen ari gara.

Carrefourrek, horrela, euskarazko zerbitzua bermatu nahi die hala nahi duten herritarrei; horregatik, aurten ere, bezeroekin harremanik handiena duten ataletako langileei bideratu nahi izan da oinarrizko euskara lantzeko ikastaro hau.

Bidaltzailea: Angel Mari Jauregi (Carrefour Oiartzuneko Giza Baliabideen arduraduna)

Erantzun