”Adin Adin”: bertsoa ardatz, adineko pertsonen gaitasuna sustatzeko proiektua

Asteartea, 2015eko urriaren 13a

Urriaren 2an, “Adin Adin” proiektua aurkeztu zen Gipuzkoako Foru Aldundian; aurkezpen horretan parte hartu zuten Maite Peña Gizarte Politikako diputatuak, Ander Zapirain Ezinduen eta Desgaituen laguntzako zerbitzuburuak, Marta Agirrezabala Lankuko ordezkariak eta Xebastian Lizaso bertsolariak.

adin adin logoa

Argazkia: Lanku

“Adin Adin” proiektua Lankuk sortu du Gipuzkoako Foru Aldundiaren laguntzarekin; eta, EMUNen bezero diren San Jose eta Iurreamendi egoitzek, Gipuzkoako beste 9 adineko egoitzekin batera, egitasmo horretan hartuko dute parte.

Emanaldi horien baitan, bertso munduan ohikoak diren helburuak daude; errimez gozatzea eta tarte atsegin bat pasatzea, esaterako. Badira, ordea, adinari lotutako beste helburu berezi batzuk ere, horien artean daude, umorea eta oroimena lantzea edota barneko emozioei espazioa eskaintzea. 

San Jose eta Iurreamendi egoitzetan data hauetan izango dira bertso saioak:

  • Urriaren 15. San Jose egoitza. 17:00. Eneritz Artetxe eta Anjel Larrañaga.
  • Azaroak  24. Iurreamendi egoitza. 16:30. Amaia Agirre eta Anjel Mari Peñagarikano.

Emanaldien egutegia osoa hemen

Erantzun