Orain dela bi urte pasatxo Azpidazki webgunean Ehureka izeneko aholkuak argitaratzen hasi ginen. Eguneroko lanean EHUko administrazio eta zerbitzuetako langileek izan ditzaketen zalantzak argitu nahi izan ditugu Ehurekaren bidez. Eta bide horretan 25 aholku etorri dira.

Orain arteko aholkuak:

• Ehureka 25: puntuazioa
• Ehureka 24: puntuazioa
• Ehureka 23: datak
• Ehureka 22: orduak
• Ehureka 21: Erregistroak
• Ehureka 20: estiloa (eta III)
• Ehureka 19: estiloa (II)
• Ehureka 18: Estiloa
• Ehureka 17: oharrak zelan idatzi
• Ehureka 16: Azpidazkin zer dago?
• Ehureka 15: Azpidazkin zer dago?
• Ehureka 14: baliabideak on line
• Ehureka 13: zer egin?
• Ehureka 12: nondik nora
• Ehureka 11: liburutegian gaude
• Ehureka 10: mezu elektronikoak
• Ehureka 9: mezu elektronikoak
• Ehureka 8: mezu elektronikoak
• Ehureka 7: hiztegiak
• Ehureka 6: baliabideak on-line
• Ehureka 5: baliabideak on-line
• Ehureka 4: aurrez aurre ahoz
• Ehureka 3: aurrez aurre ahoz
• Ehureka 2: telefonoz ari garenean
• Ehureka 1: telefonoz ari garenean

Baina horretaz gain, orain arte lau bideo didaktiko ere egin ditugu.

Ehureka 4: on line baliabideak from Azpidazki on Vimeo.

Aurreko beste hiru bideoak:

• Zer egin: bideo didaktikoa
• Argibideak nola eman: bideo didaktikoa
• Telefonoz ari garenean: bideo didaktikoa

Iaz Azpidazkiren bidez, lanean euskaraz erosoago egiteko hainbat aholku eman ditugu. Orain horiek denak batera jarri ditugu dokumentu bakarrean.

Ahoz zein idatziz lanean euskaraz erosoago egiteko aholkuak dira hauek: telefonoa hartzerakoan, aurrez aurreko ahozko elkarrizketetan, on line dauden baliabideak, hiztegiak eta mezu elektronikoak idazterakoan.

Bidaltzailea: Txerra Rodriguez, Emuneko teknikaria

Euskara zuzentasunez erabiltzeko laguntza. Arauak, gramatika, komunikazioetarako esaldiak, agurrak, idazki ereduak, eta argitokia, dituzun zalantzak argitzen dituen zerbitzua. Hori guztia batzen du Azpidazki webguneak.

Oraingo honetan Azpidazki webgunea aurkeztu nahi dizuegu. Azpidazki Euskal Herriko Unibertsitatearen webgunea da, 2008az geroztik EMUNek kudeatzen duena. Webgune honek administrazio eta zerbitzuetako pertsonalak erabiltzeko gomendio, arau eta baliabideak biltzen ditu modu arin eta erabilgarrian. Honetaz gain, ohiko zalantzak argitu nahi dituen orok aurkituko du hemen behar duen laguntza, Argitokia izeneko atalean hain zuzen ere.

Argitokian zure zalantza idatzi eta gehienez 24 ordutan, zalantza argituz erantzuna jasoko duzu zure posta helbidean. Gainera, astero intereseko albiste bat argitaratuko dugu, eta zure postontzian jasotzeko aukera izango duzu. Administrazio eta zerbitzuetako langileez gain euskara erabiltzen duen edonork erabil dezake Azpidazki.

Bidaltzailea: lantalan

Azpidazki berria apirilean jaio bazen ere, azaroan hasi da lehen pausoak ematen, azaroan hasi da katamarran eta jolasean.

Azpidazki EHU barruko administrazio eta zerbitzuetako pertsonalak erabiltzeko gomendio, arau eta baliabideak biltzen ditu. Baina horrez gain, edonork ohiko hizkuntza zalantzak argitu nahiko balitu, hemen du aukera.