Eralan III:

Julen Arexolaleiba

Abenduaren 1ean izandako Eralan lantaldeen topaketa saioko hirugarren eta azken hitzaldiaren laburpena da gaur eskaintzen dizueguna. Maite Artola eta Mari Luz Estebanen ondoren izan zen Julen Arexolaleibak emandako hitzaldia.

Julen Arexolaleibak adostasunaren garrantziaz eta elkarlan ez lehiakorraz hitz egiteko baliatu zuen bere interbentzioa. Administrazioa euskaraz aldizkariak Joxe Azurmendiri urrian egindako elkarrizketa hartu zuen abiapuntutzat identitate kontzeptuari buruz hausnartzeko. Orain arteko definizio itxiak baztertu eta identitatea modu aldakor eta dinamikoan ulertu behar dugula adierazi zuen.

Irakurtzen jarraitu...

Abenduaren 1ean izandako Eralan lantaldeen topaketa saioko bigarren hitzaldiaren laburpena eskainiko dizuegu gaurko alean. Aurreko astean hasitako bidearen jarraipena.

Mari Luz Esteban EHUko Antropologia Saileko irakaslea da eta bere ibilbidea feminismoan zentratu da, bereziki. Feminismotik euskalgintzarako interesgarriak izan daitezkeen hainbat gako eman nahi izan zituen bere hitzaldiarekin. Jabekuntzaren kontzeptuaren gainean bi diziplinen arteko zubia eraikitzeko proposamena izan zen.

Feminismoaren baitan ibilbide luzea duen kontzeptua da jabekuntza Hegoamerikako eta Afrikako emakumeak erabiltzen hasi zirenetik(gaztelaniazko empoderamiento edo ingelesezko empowerment hitzetik dator).

Irakurtzen jarraitu...

Abenduaren 1ean izan zen Eralan lantaldeen topaketa saioa HUHEZIn. Hizkuntza lidergoa oinarri hartuta, programa txukuna antolatu zuen Soziolinguistika Klusterrak. Lau hitzaldi zeuden eguneko programan eta gaurko alean lehenengoaren laburpena eskainiko dugu, aurrerago gainontzekoak:


Argazkiak.org | Maite Artola Eralan jardunaldietan © cc-by-sa: lantalan

Irakurtzen jarraitu...

Soziolinguistika Klusterrak EraLan egitasmoa abian jartzea erabaki zuenetik dagoeneko 4 urte pasatu dira. Urte hauetan guztietan, proiektua aurrera eramateko sortutako Garapen Taldean, makinatxo bat eztabaida, hausnarketa, ikerketa… konpartitu ditugu. Orain arte egindako lanak bi zati izan ditu eta bakoitzak bere emaitzak eman ditu.

Lehenengo ekitaldian erakunde bateko euskararen normalizazio prozesuan zer aldagaik duten eragina aztertu genuen eta identifikatutako faktore guztiak definitu eta zerrendatzera iritsi ginen. Horretarako, Iñaki Markok berariaz sortutako EPEsA metodologiaz baliatu ginen.

Bigarren ekitaldian, berriz, aldagaien amaraun horretatik bakar bat aukeratu dugu, lidergoa, ustez, sare guzti horretan eragin oso garrantzitsua duelako. Euskararen erabilera normalizatzeko lidergoak jokatzen duen papera aztertu dugu. Lider motak, lider kateak ,lider naturalak, eredugarritasuna, kontzientzia, konpetentzia, koherentzia… bezalako hitzak jira-bueltaka izan ditugu uneoro. Gaiaren inguruan teorizatzen jardun dugu bai, baina baita teorizatutako hori praktikara eramaten ere, hipotesiak bota eta frogatzen saiatu gara.

Irakurtzen jarraitu...

 

 

 

 

 

 

EraLan ikerketa-proiektuaren bidez ikasitakoa abiapuntu hartuta, Soziolinguistika Klusterra arloko beste eragileekin batera 2008-2010 urteetan lantzen ari den proiektua da Eralan2.

Oraingoan, helburua lidergoa ikertzea izango da, modu honetan: Hizkuntza normalizaziorako planak onartuta dituzten lan munduko erakundeetan –publiko zein pribatuetan– euskararen erabileran eragiteko lidergoa aldagaia lantzeko metodologia diseinatu eta probatuko dugu.

Zehazki, bi xede ditu proiektuak:

  1. Batetik, hizkuntzaren eraldaketa prozesuetako lider mota ezberdinak sortzeko (euskara teknikaria, euskararen aldeko taldea, lider informalak eta lider instituzionalak), antolatzeko eta eraginkortasuna lortzeko estrategiak lantzea. Lidergo-kateak nola landu aztertuko dugu.
  2. Bigarrenik, hizkuntza eraldaketa prozesua bideratzeko liderrak erabil dezakeen diskurtsoaren lanketan sakonduko dugu, lider exekutiboek darabilten diskurtso-moldeetarako argudio-bateria sortzea da helburua.

Honako lantaldeak osatzen du proiektua:

Zuzendaria: Nekane Goikoetxea

Koordinatzailea: Oihana Lujanbio (Soziolinguistika Klusterra)

Proiektu taldea:

  •  Mikel Urdangarin (Ahize-Aek)
  • Helene Armentia (Elhuyar Aholkularitza)
  • Elias Zumalde (Emun Koop. E.)
  • Maider Gaztaka (Artez)
  • Mikel Irizar, (Gipuzkoa Donostia Kutxa)

Garapen Taldea:

  • Mikel Urdangarin (Ahize-Aek)
  • Maider Gaztaka (Artez aholkularitza)
  • Maite Alvarez de Zarate, Aitziber Gabikaetxebarria (Bermeoko Udala)
  • Helene Armentia (Elhuyar Aholkularitza)
  • Elias Zumalde (Emun Koop. E.)
  • Izaro Ugalde (Gipuzkoako Foru Aldundia)
  • Mikel Irizar, Imanol Miner (Gipuzkoa Donostia Kutxa-Emun)
  • Aitziber Madrazo (LAB Sindikatua)

2008an lidergoari buruzko formazio-saioak antolatu ditugu Garapen Taldeko erakundeentzat. 2009an lidergoaren bidez euskararen erabileran eragiteko interbentzioak garatuko dituzte erakunde hauetan, eta 2010eko udarako esperientzia hauetatik ondorioak atera eta txosten batean biltzea da asmoa.

Esan bezala, gauzatutako lehen pausoa ikerketa- proiektuaren 2 xede nagusien inguruan prestakuntza jasotzea izan da. Formazio-saioak Martin Ugalde Kultur Parkean izan ziren, 2008ko abenduaren 4 eta 12an. Honako hau izan zen edukia:

LIDERGOA ETA LIDERGO-KATEAK. KOKAPEN TEORIKOA ETA PRAKTIKA ONAK

  1. Kokapen teorikoa: lidergo eraldatzailea. Juanjo Arrospide, Daniel Hermosilla, UPV-EHU
  2. Praktika ona: Euskaliten esperientzia, lidergo partekatua. Galder Lasuen, EUSKALIT.
  3. Praktika ona: Coaching-a eta lidergoa. Aurkene Redondo, ENBOR.

LIDERRENTZAKO DISKURTSOA LANTZEN

  1. Euskara eta EGE (Enpresen Gizarte Erantzukizuna). Alazne Mujika, Maite Altuna eta Itziar Navarro, Deustuko Unibertsitatea.
  2. Ekolinguistika.
    1. Hizkuntzen garapen iraunkorra. Pablo Suberbiola, Soziolinguistika Klusterra – HIZNET
    2. Proposamen ekolinguistiko bat FAGOR E.E.ren Nazioartekotzerako. Abel Irizar, EMUN.
    3. Euskararen balio erantsia. Fermin Lazkano, IMH

EraLan2-ko Garapen Taldearentzat interesgarri izan dena hedatzeko, saioetako hitzaldiak grabatu genituen eta Soziolinguistika Klusterraren web gunean dira ikusgai, erabilitako aurkezpenekin batera.

Proiektuari buruzko informazio gehiagorako: www.soziolinguistika.org/eralan eta oihana@soziolinguistika.org

Azkenik, Eralan2 proiektuari buruzko tailerra antolatu zen 2009ko otsailean II. Euskal Soziolinguistika Jardunaldien baitan. Bertarako prestatutako aurkezpena ere hemen duzue:Lidergoa Eralan2

Irakurtzen jarraitu...