2017ko Euskararen Nazioarteko Eguna ospatzeko ekimen ugari antolatu dituzte enpresa eta erakundeek. Horietako hainbat iruditan jasota hemen:

Aita Menniko euskara batzordeak bideoa prestatu du euskararen egunerako. Aita Menniko egoitzetan euskararen erabilera indartzeko egiten ari diren lanketa ikustarazi nahi izan dute. Durangoko egoitzan “euskaraz bizi gura dot” lemapean murala osatu dute.

 

 IRSE- EBIko euskara batzordeak euskara erabiltzeko 11 aukera aurkeztu ditu bideo baten bidez: ulersaioak, ulerrizketak, eusle, bazkaltegiak, euskararen eguneko ekimenak, euskararen txokoa…

 

Bizkaiko abokatu euskaldunen eguna ospatu du abenduaren 1ean. Helburu nagusienetako bat etorkizuneko abokatu euskaldunekin elkarlanean aritzea da, eta, horretarako, momentu honetan abokatutzako masterra egiten dabiltzan hainbat gazte hurbildu dira ekitaldira.

 

Euskararen egunari buruzko mezu orokorra zabaldu diete EAEko epaitegietako langile guztiei eta kanpo eragileei  (abokatu eta prokuradoreei). Amurrio, Bergara, Gernika eta Tolosako epaitegietan lehen hitza euskaraz bultzatzeko kanpaina egin dute abenduaren 3ko astean eta pilulen bilduma banatu dute.

 

Auzo Lagunen hamaiketakoa, argazki lehiaketako sarien banaketa, astebete lehenago eginiko neurketa abisatuaren emaitzen zabalkundea eta lehen lauhilekoan abiatuko den Prest egitasmoaren aurkezpena egin dute. Sorpresa ere jaso dute bisitari bereziarekin.

DANOBATGROUPen “euskara aldean, erabili lanean” lemarekin jarraitu dute. Taldeak kooperatibak dituen herrietako euskara aldizkarietan euskara planaren berri eman dute eta lehiaketa bat jarri dute abian. Taldeko kooperatibetan ere lehiaketa egin dute langileen artean. Goizean goiz “euskarak 365 egun” pegatinak banatu dituzte langileen artean eta jangelako mahai guztietan euskarari buruzko esaldiekin osatutako txartelak jarri dituzte hizketagai izan daitezen.

DANOBAT kooperatiban kafe-makinetan kafea doan egon da egun osoan. Euskaraz idatzitako emailak bildu eta neurtu ditzute, euskal produktuen truke. Langileen taldeko argazkia atera dute eta ondoren Jakoba Errekondoren hitzaldia izan dute.

IK4 Teknikerren goizeko 7etan eta 8etan spining saioak euskaraz egin dituzte. Eguerdian Kike Amonarrizekin solasaldia izan dute. Aldez aurretik euskara batzordetik hainbat galdera prestatu dituzte eta saiora sartzean langile bakoitzak kutxan galderak sartzeko aukera izan du. Ondoren, 2018 urteko egutegia aurkeztu dute, Teknikerrek egindako 12 proiektu esanguratsuren irudiekin.

 

IK4 Ikerlanen euskararen egunerako ipuin baten hasiera zabaldu zuten egun batzuk lehenago eta euskararen egunerako amaiera proposatu dute ekimenean parte hartu langileek. Amaiera ederrena aukeratu dute ekitaldian. Egunean zehar kafe-makinek kafea debalde eman dute euskararen alde.

 

Fagor Industrialen euskararen astean bertso lehiaketa egin dute. Fagor Industrialen euskararen etorkizuna zein izango den hausnartu dute “ Non egongo gara 2030ean?” saioan eta hurrengo urteetako helburu eta ekintzak proposatzeko aukera izan dute langileek. Azkenik, Markel Irizarrekin ordubeteko hitz-aspertua izan dute euskararen erabilerari buruz, besteak beste.

 

LKS Taldeko (Ingeniaritza eta Aholkulariak) langileak bulego bakoitzean mokadua egiteko elkartu dira eta ezetz asmakizuna asmatu?” lehiaketako sari banaketa egin dute.

 

Sareteknikan hamarretakoa egiteko elkartu dira eta bertan jarri duten otarreko barazkien izen guztiak euskaraz eman eta preziora gehien hurbildu denak barazki ekologikoen saskia eraman du etxera.

 

SD Eibar. Ereserkia euskaraz sortu izanari balioa emateko ekimena jarri dute abian.  Zaleei eskatu diete ereserkia taldean, familian, lanean… grabatuta bidaltzeko. Mendilibar entrenatzaileak aurkeztu du ekimena.

 

Irizarren euskararen eguneko ospakizunen ondoren, talde argazkia atera dute. Autobusean idatzi dute: Mendeetan zehar, inork ez daki noiztik, jendeak euskaraz egin du lan eskualde honetan. Irizarren ere euskaraz lan egiten dugu, gurea zaindu eta mundu zabalera begira.

 

Mondragon Zentro Korporatiboan euskaraz hitz gustukoenekin murala osatu dute. Ondoren, zozketa, saria eta zizka-mizka tartea izan dute.

 

Ondorengo erakundeetan ere antolatu dituzte ekintzak: Dbusen euskarazko atsotitzen lehiaketa egin dute; Electra Vitorian argazki lehiaketako sari banaketa egin dute haimaiketakoarekin lagunduta; Altsasukon “belarriprest eta ahobizi” ekimenaren aurkezpena egin dute hamaiketakoarekin batera; Hazin ardo eta gazta dastaketa egin dute Mikel Garaizabalekin; Fagor Ederlanen kafe makinen ondoan jarritako kutxetan euskararekin lotutako mezuak sartu dituzte langileek eta ondoren ikusgari jarri dituzte guztiak ohar taulan; Lanbiden euskarazko liburuen trukea egin dute; EJIEn lehiaketa egin dute langile guztien artean eta eusle ekimenean parte hartu dutenei eskertza egin diete; AFA kirola eta Gasteizko Udaleko Kirol arloan kartelak eta mezuak zabaldu dituzte; Ulma Taldeko kooperatiba guztietan kafea doan egon da, lehiaketa egin dute eta bertso txapelketa antolatu dute: Fagor Electronican kafea debalde egon da eta “euskarak 365 egun” mezudun katiluak jarri dituzte eskuragarri; Idekon Aitzol Galletebeitiaren hitzaldia izan dute; Soralucen barne bisita egin dute euskaraz, fabrikazioan dauden makinak ikustera; Otxandioko gaztetxean mikroipuin lehiaketa eta Handia filmaren emanaldia egin dute. Osartenen tupper osasungarrien inguruko lehiaketa antolatu dute; Fagor Automationen 2018ko egutegirako euskararen aldeko esaldien lehiaketa egin dute; Mapsan zifra euskutua lehiaketa egin dute.

Irakurtzen jarraitu...

2013an eta 2014an, Ondarroako herritarrekin parte-hartze prozesu bat egin zen, eta EMUNen ardura izan zen laguntza eta aholkularitza eskaintzea (udal teknikariari eta zinegotziari hori antolatzen eta bideratzen lagundu, hainbat herritarri taldeak dinamizatzeko formazioa eman, eta abar); eta, 2015ean, planean jasota dauden herritarren ekarpenak ekintza bihurtzeko eta aurrera eramateko laguntza ematen dihardugu.

2015eko ekintzen artean, besteak beste, bi nabarmenduko ditugu gaurkoan: bata, Ahuakemonala egitasmoa; eta, bestea, abenduaren 3ko Euskararen Nazioarteko Eguna.

1. Ahuakemonala egitasmoa herritarren laguntzarekin egin da: herritarrek esketxak grabatu dituzte eta radixu irratian egindako grabaketei ahotsa jarri zaie; Lea-Artibaiko Hitzakoek eta herriko ikastetxeek lagundu dute berba eta esamoldeekin lehiaketarako galderak prestatzen; aplikazioa eta webgunea iametza enpresak garatu du. Horrela, besteak beste, gazteentzako app bat sortu da, eta Ondarroako euskarari prestigioa emateko eta galtzeko bidean dauden berbak eta esaerak berrerabiltzeko aukera emango du; koordinazioa udal Euskara Zerbitzutik egin da, eta goian aipatutako lanetan lagundu dio Emunek.

unnamed

2. Euskara Eguneko ekintzak ugaritu egingo dira aurten, eta herritarrek izango dute protagonismoa: “geuk pe ondarrutar” bideoa egin da aurten (ondarruartutako hainbat protagonistekin), pintxopoberba (gure berba eta esaerak pintxopotera eramango ditugu hainbat herritarren laguntzaz), danborrada egingo da, ikastetxeetan hainbat ekimen egingo dira, ahuakemonaleko esaerak whatsapp-ez zabaltzeko eskatuko da, pantaila erraldoian urtean egindako bideo eta Ondarroako berba+argazkiak jarriko dira… eta egun horretarako herriari jarriko diogun erronka: “Bagaa ala ez gaa? Erderakada baik, baietz eguna pasa!” Azken batean “olgeta-benetan mundu guztia euskaraz berbetan” jartzeko ekimenak guztiak.

Euskararen_Eguna

Irakurtzen jarraitu...

Emun-ek kudeatzen dituen euskara planetan, hainbat modutan ospatzen da Euskararen Eguna; horrela, iazko abenduan egin genituen proposamenei beste hainbat gehitu dizkiegu aurten:

DSC_0053

  • Abenduaren 3tik aurrera paperezko mahai-zapi eta ahozapi berriak ikusi eta erabiliko ditugu Euskara Merkataritzara programan parte hartzen duten udalerrietako kafetegi, taberna eta jatetxeetan; Antsoain, Aranguren, Atarrabia, Berriobeiti, Berriozar, Burlata, Gares, Oltza Zendea, Uharte eta Zizur Nagusian, hain zuzen ere. Ekintzaren helburua ostalaritzan euskara erabiltzen hasteko laguntza eskaintzea da, eguneroko guneetan, ohikoak diren elkarrizketak euskaraz egiteko urratsa emateko, hizkuntza ohituran eragiteko eta euskarari presentzia gehiago emateko.
  • Film laburren emanaldia egingo dute Erroaken; Euskara Batzordeko kideek aukeratutako 4-5 film labur emango dira eguerdiko etenaldian. Film laburren ordez, hitzaldia antolatuko dute Soralucen –langile batek bere kirol esperientzia kontatuko du–.
  • Niessenen atsotitz lehiaketa eta Euskara Planaren maskota lehiaketa egingo dituzte.
  • Domusan, berriz, euskararentzako mezu lehiaketa egingo dute Euskararen Egunaren aurreko bi asteetan. Beste erakunde batzuetan ere egin dira antzeko ekintzak; hala nola, euskarazko hitz politena zein den jartzeko panelak jarri dira kafe-makinen ondoan, langile bakoitzak berarentzat euskarazko hitz politena zen den jar dezan.

Etxegintzakoak dira hurrengo 3 proposamenak:

  • Hitz kuttunen bilduma osatzen ari dira langileen ekarpenekin; “hitz bizien kofradia” deitu diote. Arrazoi bat ala beste, gutxi erabiltzen diren euskarazko hitzak berreskuratzea bururatu zaie eta, ez hori bakarrik, hitz horien aitabitxi/amabitxi ere izango dira. Azkenean hitz horiekin guztiekin bildumatxo polit bat osatu, eta Euskararen Egunean eurentzat hitz kuttunena zein den aukeratuko dute.
  • Euskobision lehiaketa; langileei proposatu diete, taldean ala banaka, abesti bat abestu eta grabatzeko. Langilez osatutako epai-mahai (aditu) batek erabakiko du zein den irabazlea.
  • Eta elkarte batean bazkaldu ostean, kantu bazkaria karaoke formatuan. Clecen ere bazkaria antolatzen ari dira abenduaren 4rako, langile bakoitzak etxetik ekarritako jateko eta edatekoekin. Bazkarian baldintza bakarra egongo da: harreman guztiak euskaraz izatea.
  • Lea-Artibako hainbat kooperatibatan (Eika, Kide, Fagor Arrasateren Markinako planta…) USB kargagailu bana oparituko zaie langile guztiei; kargagailuak esaldi hau izango du: “Euskaraz karga zaitez”
  • Kafea doan (kasu batzuetan propio sortutako irudia duten edalontzietan) hartu ahalko da hainbat enpresatan: Niessen, Eika, Kide, Fagor Arrasate… Kafeari laguntzeko etxetik bizkotxoa eraman (eta lehiaketa egin?) zuten iaz Idekoko langileek; bizkotxorik originalena eta gozoena zein zen erabakitzeko izan zituzten lanak!
  • Kide-n, ahalik eta euskara gehien erabiltzeko erronka horrez gain, hizkuntza alternantzia estiloa hedatzen ari dela-eta kezkatuta, eta horretaz kontziente egiten hasteko, aurtengo erronka apur bat aldatu nahi izan dute: “euskaraz inoiz baino gehiago egiteko kapazak al gara, beste hizkuntzetara pasa gabe?”. Erronka hori lortzeko, besteak beste, gometxak elkarri jartzeko jokoa egingo dute (hizkuntzaz aldatzen den bakoitzean, elkarri gometxak jarriko dizkiote).
Irakurtzen jarraitu...

Emunek garatzen dituen euskara planetan hainbat gauza egiten ditugu Euskararen Egunera begira. Egun horretarako 10 ideia proposatu nahi ditugu, egingo diren 10 ekimen, hain zuzen ere.

Euskararen Eguna 2014-12-03

1. Egun bat, esaldi bat: Hazi fundazioan 2014ko abenduaren 3tik aurrera, egunero intranetean euskarazko esaldi bana jarriko dute hurrengo urteko abenduaren 3ra bitartean.

2. Gaztainondoaren adaxkak: Fagor taldeak antolatuta, euskara planarekin hasi zirenak omenduko dituzte ikus-entzunezko lan batekin. Amets Arzallus bertsolariak ere hartuko du parte eta gaztain erreak ere banatuko dira parte-hartzaileen artean.

3. Gurutzegrama lehiaketa: Niessen-en langileen artean euskarazko gurutzegrama lehiaketa egingo dute. Bi egongo dira: bata errazagoa eta bestea zailxeagoa.

4. Zeinek gehiago egin: ULMA taldean erronka jarri dute. Abenduaren 3an euskararen ahozko erabilera neurtuko dute negozio guztietan, eta euskararen erabilera gehien igotzea lortzen duen negozioak eskuratuko du euskal makila.

5. Ikasleentzako eta langileentzako jokoa: Danobatgroup-en Euskararen Egunaren aurretik kooperatiba taldeak enpresak dituen herrietako DBH 3 eta 4 eta Lanbide Heziketako ikasleentzako joko bat prestatu du (guztira 1.500 ikasle inguru). Ariketa webgunean jarri eta ikasleak horra sartu beharko dira. Erregistratuta geratuko da ariketa eta Euskararen Egunean zozketa egingo da parte-hartzaileen artean (9 eskoletarako tablet bana). Ariketa bera langileen artean ere zabalduko da (1.000 langile inguru) eta 6 tablet zozketatuko dituzte parte-hartzaileen artean.

6. Euskararen komunitatea osatu: Kiden aurten puntueus komunitatearen inguruan arituko dira. Eta hori aitzakiatzat hartuta, Kideko euskararen komunitatea irudikatuko dute. Horretarako, kartel handi bat egin dute. Langile bakoitzak bere ekarpena egiteko aukera izango du. Horrez gain, pegatinak ere aterako dituzte langile bakoitzak bere izena idazteko bertan. Ni ere .eus naiz.

7. Errekonozimendua: EIKAn euskararen erabilera handitzeko ahaleginetan ibili dien eragileei errekonozimendua egingo zaie. Horretarako, paneletan jarriko dira ahozko azken neurketen datuak eta ondoan euren argazkiak.

8. Informazio mahaiak epaitegietan: Donostia, Bilbo, Gernika, Eibar eta Tolosako epaitegietako hall-etan mahaiak jarriko dituzte informazioa zabaltzeko 10:00etatik 13:00etara. Informazio gunera hurbiltzen diren abokatu, prokuradore, herritar eta abarri informazioa emango diete. Informazio gehiago @auziaeuskaraz.

9. Lehiaketa: Zein da zuretzako euskal pertsonarik esanguratsuena? Zergatik?”: zuretzako euskal munduko pertsona ezagunena, erreferentea (izan) dena euskararentzako eta zergatik. Edozein garai eta arlotakoa izan daiteke (kultura, kirola, politika…). Erantzun guztiak jaso eta abenduaren 3an bertan bozketa bidez aukeratuko dugu guztion artean pertsonaiarik esanguratsuena hamaiketakoa hartzen dugun bitartean 2. bozketa baten bidez. Irabazleak Zuberoako ikastolek Gabonetarako prestatzen duten otarra jasoko du. LKS Ingeniaritzan egingo da ekimen hau.

10. Abestia grabatu: IK4-IDEKOn bertako musikariekin abesti bat grabatu dute; bideoklipa egiten ari dira eta abenduaren 3an lau haizetara zabalduko da.

Irakurtzen jarraitu...