Pello Jauregi EHUko irakaslea da Hezkuntzaren Teoria eta Historia Sailean; besteak beste, “Kuadrillategi” egitasmoa eta “Aldahitz: eusle metodologia eta hizkuntza ohituren aldaketa lan munduan” proiektua koordinatu ditu; Moti+Batu jardunaldietan eman zuen Portaeratik jarrerara: jokabide urratzaile, egokitzaile eta eragozleak hitzaldiak ere izan du han eta hemen oihartzuna. Oraingoan, berriz, EMUNeko lankideoi eman berri dugun “Nola txertatu eguneroko esku-hartzean ikerketa aplikatua?” hitzaldia izango dugu hizpide.

Pello Jauregiren iritziz, beharrezkoa da esku-hartzea ikerketaren eskutik joatea; esku-hartzeak noiznahi egiten ditugu, baina, gero, esku-hartze horien berri ematerakoan, zelofanez bildu ez ezik, ikerketarekin janztea komeni zaigu. Ikerketarekin sinesgarritasuna irabaziko du gure esku-hartzeak. Ikerketa diogunean, ez gara ari –nahitaez- prozesu konplexu bati buruz; neurketa sinple batetik datu, taula eta grafiko pila bat atera ditzakegu, eta baita ondorio interesgarriak ere.

Beraz, esku-hartzearekin batera ikerketa egitea komeni zaigu…

  1. Ikerketak zehaztasuna –irizpideak, adierazleak, aldagaiak eta abar zehaztea– eskatuko digulako.
  2. Ikerketak gero zein datu beharko ditugun aurrez pentsatzea eskatuko digulako, eta horrek proiektua osoaren ikuspegi orokorra geureganatzen laguntzen du.
  3. Esku-hartzearen komunikazioa egiterakoan, ikerketak sendotasuna eta argitasuna emango dizkiolako.

Edonola ere, ikerketak ere baditu bere muga edo ahultasunak:

  1. Oso dinamikoa dena estatiko bihurtzen dute datuek.
  2. Artifizialtasun kutsua ematen dio errealitateari. Esaterako, 4 maila duena “oso ona” multzoan sartzen badugu, eta “3,9” maila duenari, berriz, “ona” etiketa jartzen badiogu, errealitatea pixka bat desitxuratzen ari gara.
  3. Ikerketak serioegi edo matematikoegi hartzeko arriskua ere badago; adibidez, erabileran %12tik %14 igotzea positiboa izan daiteke… edo ez. Batzuetan, aldaketa txiki batetik erabateko ondorioak ateratzen ditugu eta, agian, ez da adierazgarria; errore-tarteak ere kontuan hartu behar dira.

Irakurtzen jarraitu...

Soziolinguistika Klusterra, Urtxintxa eta Emun elkarrekin egindako proiektua duzue hauxe. Gazteak, sare sozialak eta hizkuntza kudeaketa izan dugu aztergai.

Horretarako, “arrakastatsutzat” jotzen ditugun 6 bat esperientzia deskribatu eta bertatik estrapolagarriak izan daitezkeen ikasgaiak ateratzea bilatu dugu. Esperientzia guztiak gazteekin harremana dutenak dira, baina esparru desberdinetakoak izan daitezen bermatu da: hedabideak, gazte-taldeak, kirol arlokoren bat, musika taldeak… Gainera, sare sozial ezberdinetan kokatzen diren esperientziak izan dira aukeratuak: Tuenti-n, Facebook-en eta Twitter-en. Sei kasu horiek honako hauek izan dira: Doka kafe antzokia, Euskal Herria Zuzenean festibala, Gaztea irratia, Ken 7 musika taldea, Gernikako Gaztetxea eta Mikel Astarloza kirolaria. Bi aditurengana ere jo dugu: Koldo Diaz doktore-gaiarengana eta Gorka Julio Teketen adituarengana.

Gazteak eta sare sozialak from Soziolinguistika Klusterra on Vimeo.

Irakurtzen jarraitu...

Hiznet gradu-ondokoa orain dela hamar urte baino gehiago jarri zen martxan. Ordutik, ikastaro amaieran ikasle bakoitzak ikerketa lana egin behar zuen. Horietako asko lana euskalduntzeari buruzkoak izan dira. Bilduma egin dugu horiekin guztiekin:

Urbieta Aizpurua, Josune (2012). “Euskaldun berriak laneko euskarazko dinamiketan”. Hiznet 11-12ko sakontze egitasmoa

Azpiroz Osa, Urko (2012). “Funtzio propioen lanketa”. Hiznet 11-12ko sakontze egitasmoa

León Perez de Ciriza, Lorea (2012).”Euskaldunen euskarazko zerbitzuen kontsumoa: Nafarroako Kutxaren kasua”. Hiznet 11-12ko sakontze egitasmoa

Redondo Beitia, Ibai (2012). “Euskara eta euskalduntzeko p-lanak Osintxun”. Hiznet 11-12ko sakontze egitasmoa

Gonzalez Elorza, Edurne (2011). “Sare Sozialak eta hizkuntza-politika”. Hiznet 10-11ko sakontze egitasmoa.

Madina Letamendi, Katia (2011). DPO Metodologia: gabezietatik abiatuta saretze sistema garatzea FIT Automoción, S.A-n. Hiznet 10-11ko sakontze egitasmoa.

Zaloña Fernandez, Josu (2011). “Euskararen gaineko diskurtsoak lan munduan”. Hiznet 10-11ko sakontze egitasmoa.

Barrenetxea Iparragirre, Urtzi (2009). “Hizkuntza-plangintzekiko erresistentziak organizazioetan”. Hiznet 08-09ko sakontze egitasmoa (argitaratu gabe).

Ruiz Navarro, Juanjo (2009). “Akuilu taldeak: Euskararen aldeko eragiletza hizkuntza asertibitatearen bidetik”. Hiznet 08-09ko sakontze egitasmoa (argitaratu gabe).

Urrestarazu Garmendia, Koldo (2009). “Euskararen kudeaketa negozioetako hitzaldi informatibo eta Batzar Nagusietan”. Hiznet 08-09ko sakontze egitasmoa (argitaratu gabe).

Vegas Fernandez, Fidel (2009). “Enpresa mundutik euskarara: langileen motibazioa euskara planetan”. Hiznet 08-09ko sakontze egitasmoa (argitaratu gabe).

Beitia Sasiain, Ruben (2007). Euskararen arnasguneak Fagor Ederlanen. Hiznet 06-07ko sakontze egitasmoa (argitaratu gabe).

Beristain Madariaga, Aiora (2007). Bai Euskarari Ziurtagiria eta Lanhitz. Hiznet 06-07ko sakontze egitasmoa (argitaratu gabe).

Elexpuru Egaña, Ima (2007). Produktu/zerbitzua hobetzeko paktika onak jaso eta zabaltzeko sistema. Hiznet 06-07ko sakontze egitasmoa (argitaratu gabe).

Garai Uribeetxebarria, Jesus Mari (2007). Elkargoetako euskara planen inplementazioaren barruan, zertan eta nola eragin herriz herri sakabanatuta dauden eta elkargokide diren enpresa edo negozioetan. Hiznet 06-07ko sakontze egitasmoa (argitaratu gabe).

Irizar Mantzizidor, Abel (2007). Proposamen ekolinguistiko bat. Fagor etxetresna elektrikoak kooperatibaren nazioartekotzerako. Hiznet 06-07ko sakontze egitasmoa (argitaratu gabe).

Irizar Martinez, Olatz (2007). Argumentazioa zerbitzu enpresetan eta merkataritzan. Hiznet 06-07ko sakontze egitasmoa (argitaratu gabe).

Lariz Irazabal, Amaia (2007). Zuzeneko langileen eguneroko lanean euskararen erabilera gehitzea, euren eguneroko lanean eraginez eta euren parte-hartzea bultzatuz. Hiznet 06-07ko sakontze egitasmoa (argitaratu gabe).

Letona, Enrike (2007). Euskararen normalizazioaren bidean, tratuak landu langileekin enpresa handietan. Hiznet 06-07ko sakontze egitasmoa (argitaratu gabe).

Zumalde Barrena, Elias (2007). Erdaldunak eta euskara planak. Hiznet 06-07ko sakontze egitasmoa (argitaratu gabe).

Alustiza Lizaratzu, Eider (2006). Euskaldunen arteko elkarrizketetak: euskararen erabilera areagotzeko esperientzia praktikoa, PDCD zikloan oinarrituta. Hiznet 05-06 ikasturteko sakontze egitasmoa (argitaratu gabe).

Iglesias Alvarez, Raul (2004). Jatetxe eta tabernen plangintza Oiartzunen (Merkataritzan euskaraz bizi) HIZNET 03-04 ikasturteko sakontze egitasmoa (argitaratu gabe)

Mujika Izagire, Leire (2004). Pertsonak eta eginkizunak: euskara planetarako identifikazio tresna. HIZNET 03-04 ikasturteko sakontze egitasmoa (argitaratu gabe)

Rodriguez Gomez, Jose Ramon (2004). Merkataritza euskalduntzeko plangintza baten azterketa kritikoa: Txorierriren kasua. HIZNET 03-04 ikasturteko sakontze egitasmoa (argitaratu gabe)

Usarralde Lasarte, Ibon (2004). Erakundeetan euskararen bizindarra neurtzeko tresna. HIZNET 03-04 ikasturteko sakontze egitasmoa (argitaratu gabe)

Bastarrika Salegi, Igone (2003). Zuzeneko langileak euskara planetan: euskararen normalizaziorako funtsezko partaideak. HIZNET 02-03 ikasturteko sakontze egitasmoa (argitaratu gabe)

Mendizabal Mujika, Gurutze (2003). Euskara planaren instituzionalizatzeko proiektua Fagor Ederlan Koop. Elkartean. HIZNET 02-03 ikasturteko sakontze egitasmoa (argitaratu gabe)

Apaolaza Etxeberria, Xabier (2002). Lantegietako euskara planen ebaluazioak. HIZNET 01-02 ikasturteko sakontze egitasmoa (argitaratu gabe)

Larrea Mendizabala, Imanol (2002). Enpresetako eta herrietako euskara planen diseinua metodologia parte hartzailearen ikuspegitik. HIZNET 01-02 ikasturteko sakontze egitasmoa (argitaratu gabe)

Ugalde Alustiza, Iñaki (2002). Euskara planak lan munduan. HIZNET 01-02 ikasturteko sakontze egitasmoa (argitaratu gabe)

Irakurtzen jarraitu...

Bilbon ekainaren 12an aurkeztu zen prentsa aurrean Language Rich Europe proiektua. Horren ostean, hainbat komunikabidetan agertu da haren berri.  Egia esan, aspaldian prentsaurreko batean egoteko aukerarik gabe, ahaztuta neukan kazetariek titularra bilatzeko duten grina. Horren ondorioz, hurrengo egunetan bertaratutako kazetarien titularren bila jo nuen.

Irekian edo zuzeun esaterako, ikerketaren txostenean jasotzen direnak bere horretan laburtu zituzten. Beraz, lana aurreratu zidaten, ez baitut laburpen hori errepikatzeko asmorik.

Deiako kazetariak aurkitu zuen titularra ikerketaren erpin batean: irakasleen ingeles maila eskasa.  Albistea horren inguruan landu zuen, bikoizketaren eragina ere aipatuz. Berriak eta El Paisek ikerketaren laburpena eta prentsaurrekoan Ivan Igartuak aipatutako ondorio nagusiak jaso zituzten eta El Paisek inkesta soziolinguistikoko datu batzuk gehitu zituen, sarrera moduan.

(Uste dut kazetarientzat formatu berriak behar ditugula hizkuntzari buruzko ikerketen berri modu egoki batean eman nahi badugu. Soziolinguistika Klusterrak Euskal Herriko Kale Neurketaren datuak emateko kazetariekin egin nahi duen lan-gosaria adibide oso egokia izan daiteke.)

Irakurtzen jarraitu...

Hezkuntza da arlorik eleanitzena eta etorkinen hizkuntzak gutxien babesten direnak.

Language Rich Europe ikerketaren emaitzak aurkezten ari dira Europa osoan zehar. British Councilek bultzatutako ikerketa honek hiru helburu nagusi ditu:

–       kulturarteko  elkarrizketa sustatzeko jardunbide egokien trukea erraztea

–       hizkuntza politikak eta praktikak garatzeko europar lankidetza sustatzea

–       EBren eta Europako Kontseiluaren gomendioei buruzko kontzientzia areagotzea

Helburu horiek lortzeko bideari ekiteko, diagnostiko lan bat egin da 18 herrialdeetan, bertako hizkuntza errealitatea ezagutzeko. Hizkuntzak lau multzotan banatu dira:

–       Atzerriko hizkuntzak

–       Eskualde edo gutxiengo hizkuntzak

–       Etorkinen hizkuntzak

–       Hizkuntza nazionalak

Kataluniako diagnostikoaren emaitzetan Universitat de Barcelonako ikertzaileek aipatu duten moduan, hizkuntza nazionalak eta gutxiengo hizkuntzak kontzeptuek gurea moduko errealitate batean gaizki ulertuak sortu dituzte.

Language Rich Europe ikerketan  8 arlo nagusi neurtzen dira (ikus azpiko irudia). Lehen lau arloak dokumentu objektiboak oinarri hartuta aztertzen dira eta hurrengo laurak lagin bati pasatako inkesten bidez. EAEko datu bilketa hau EMUNek egin du:

 

 

 

 

 

Irakurtzen jarraitu...