Urriaren 15ean Manu Marañonen hitzaldia jaso zuten MONDRAGON Korporazioko berrogeita hamar bat euskara koordinatzaile eta eragilek: “Jendaurrean hizlari: hau ez da magia, gimnasia baizik”.

Manuren ustez ematen ditugun datuak baino garrantzitsuagoak dira transmititzen ditugun esperientzia eta emozioak (baikortasuna, sinesgarritasuna…). Informazio gehiago, TU Lankide.com agerkarian.

Irakurtzen jarraitu...

UEUren ikastaroen baitan Gotzon Carcar-ek Iruñean eman zuen “Komunikazioa lantzen: aurkezpenetan entrenamendu trinkoa” ikastaroan Juan Luis Arexolaleiba EMUNkideak parte hartu zuen.

Albiste honetan Gotzonek berak ikastaroaren helburu eta edukien berri ematen duen bideoa duzu ikusgai batetik eta, bestetik, oso modu laburrean, gure lankideari azpimarragarriak iruditu zaizkion bizpahiru datu eta kontzeptu plazaratzen dizkizugu.

 

1. “Ilustrazioaren biktima gara”. Korronte horren arabera pertsonak, batez ere animali arrazionalak gara, hau da, “burua”. Hori ez horrela, bihotzean datza gizakion mamia.

2. Nola komunikatzen dugu?

  •      % 55: gorputza.
  •      % 38: ahotsa –bolumena, tonua, abiadura…-.
  •      % 7: edukia.

3.  Gorputzak beti dio egia.

  • Komunikazioan hartzaileekiko “begi kontaktua” modu kontzientean landu behar dugu.
  • Sentitzen ez baduzu ezin duzu transmititu. Burutik eta ahotik ateratzen diren hitzak belarrietara iristen dira. Bihotzetik ateratzen direnak bihotzera iristen dira.

4. Ondo komunikatzeko garrantzitsuena arnasa modu egokian hartzea da.

5. Makuluak gainditu behar ditugu: boligrafoa edo beste objekturen bat eskuan izatea, ppt desegokia, hitzezko makuluak: “eee”, “bueno”…

Hitz makuluek isiluneak lapurtzen dizkigute. Isiluneei esker musika posible bada, komunikazioan ere isiluneak behar ditugu. Isiluneek arnasa hartzeko eta gure mezua egituratzeko balio dute.

6. Komunikatzerakoan “eszenatokia menperatu” behar dugu. Helburu horrekin komunikatzaileak “arreta gunea” sortu, bere “gotorlekua” eta mapa izan behar ditu,…

7. Ezaguera vs. Jakinduria. Diferentzia eskarmentuan eta esperientzian datza. Jakintsua gai da praktikan jartzeko ezagutzen duena.

Gidatzen, igeri egiten…irakurriz edo internet-ez ezin da ikasi, praktikatu beharra dago. Horixe bera gertatzen da komunikazioarekin.

Ikastaroan, hainbat kontzeptu jaso ditugu baina, batez ere, “igerilekura bota gara”, etengabe aritu gara entrenatzen.

 

Gotzon-ek horrenbeste maite dituen metaforetako bat erabiliz: zein da elefante bat jateko modu bakarra?, ba, zatika. Horixe bera gertatzen da komunikazioarekin: garrantzitsuak diren elementuak pixkanaka txertatuz eta etengabe entrenatuz, “elefantea jatea” lortuko dugu.

Ikastaroa erabat praktiko eta sakona da, niri iritzian gomendagarria. Artikuluak norbaiten interesa piztu badu, udazkenean bertan, UEUk Eibarren antolatu duen ikastaroan, du entrenatzeko aukera.

 

 

Irakurtzen jarraitu...

Gotzon Carcar coach pertsonalak eskainitako bi ikastarotan izan da Larraitz Madinabeitia emunkidea. Azkenak izenburu hau izan du: “Inorekin eta ezerekin mingostu gabe bizi. Zure bizitza aberasteko gakoak”.

Bertan jasotakoaren garrantzia laburbiltzeko eskatu diogu eta bideo labur honetan hainbat ideia plazaratu ditu. Argi komunikatzearen garrantziaz eta lanean erakargarriagoak izateko lanabesen inguruan dihardu.

Irakurtzen jarraitu...

Pasa den astean Xare azokaren barruan aurkeztu nuen Enpresek sarean zelan jokatu beharko lukete hizkuntzekin? hitzaldia. Hitzaldian zehar #sarekohizkuntzak eztabaida eta ikerketan ateratako ondorioak aletu nituen. Baina berritasun batzuk sartu nituen eta horiek azaltzera nator oraingoan.

Hitzaldiaren bideo osoa eskegi dute Xarekoek:

Irakurtzen jarraitu...

Euskara planetan komunikazioa hobetzeko mintegia antolatu genuen Emunen pasa den hilean. Mintegian Fagor Automationen kasua aurkeztu da. Kooperatiban komunikazio plana hobetzeko beharra ikusi zuten Euskara Batzordeko zenbait kidek. Emunek kooperatibako komunikazio kanal eta baliabideak aztertu ondoren, organoetako kontseilutxoetako komunikaziorako hainbat gabezia identifikatu eta aurkeztu ziren Euskara Batzordean:

Euskara planaren zabalkundea kolektibo guztira Kontseilu Sozialean egiten da eta kontseilarien bitartez, kontseilutxoetan. Kanala ona da, informazioa kolektibo osoari zabaltzeko aukera bermatzen baitu.

Beraz, zer daukagu hobetzeko?

Ez gara igorlearen tokian jartzen: gaiari buruz zer dakien, zer informazio ematen diogun, zer eskatzen diogun…

Ez gara hartzailearen tokian jartzen: zer interesatu ahal zaion, gaiaren inguruan aurrez zer ezagutza izan dezakeen, erabiltzen dugun terminologia ulergarria zaion…

Ez dugu mezua antolatzen: helburu bakarra informatzea da, ez dugu komunikatzen, ez dugu feedbackik bilatzen…

Ez dugu testuingurua kontuan hartzen: azkeneko gaia, jendea nekatuta…

Ez dugu planifikatzen: hilero “inprobisatzen” dugu eta honek ekar lezake hile batean hainbat gai pilatzea, hurrengoan “betetze lanak” egitea,  gai batzuk bilera batean baino gehiagotan errepikatzea…

Irakurtzen jarraitu...