2006-2008 zikloa jadanik bukatu da eta dendarien eta teknikarien balorazioak oso onak izateaz gain, azpimarragarria da uztaileko neurketan hizkuntza paisaiak edo kanpo irudiak %5 gora egin duela 2006tik hona, euskararen presentzia %45ean jartzeraino eskualdeko dendetan.

2009-2011 zikloaren norabidea ere finkatu du Jarraipen Batzordeak eta jadanik zehaztuta daude 2009ko ildo orokorrak: orain arteko lana sendotzeaz gain (merkatari taldeak, kartelak egiteko saio praktikoak, inprentetan sustapena, dirulaguntzen bidez sustatu, mintza-laguna dendarien artean, komunikazioa …), ildo berriak ere badira, aipagarrienak honako hauek: bezeroen kontzientziazioa landu eta ostalaritza arloan ere sarea zabaltzen hasi.

Irakurtzen jarraitu...

EAEko kontsumitzaileen hizkuntz eskubideak bermatzeko dekretua argitaratu zuen uztailean Eusko Jaurlaritzak (123/2008 DEKRETUA, uztailaren 1ekoa, Kontsumitzaileen eta Erabiltzaileen Hizkuntza Eskubideei buruzkoa). Kontsumitzaileari informazioa euskaraz eta gaztelaniaz emango zaiola bermatu behar dela dio dekretuak.

Jaurlaritzak estimatutakoaren arabera, dekretu horrek Euskal Autonomia Erkidegoko 2000 enpresa ingururi eragiten dio eta merkatu kuotaren % 45eko bolumena suposatzen du. Dekretuaren aplikazio eremutik kanpo gelditzen direnak batez ere enpresa eta saltoki txikiak dira.

Irakurtzen jarraitu...

Urola Garaiko merkataritza plana 2006-2008 ekimenari esker, merkatarientzako baliagarri izan daitezkeen hainbat material aurki ditzakezu interneten, otamotz eta zingi-zango webguneetan. Baliagarriak iruditu zaizkigu eta Lantalaneko agiri ereduetan izango dituzu aurrerantzean.

Irakurtzen jarraitu...


2006ko abenduan hasi eta gaur arte Legazpiko ia 40 dendarik parte hartu du zuzenean “merkataritza euskaraz” ekimeneko talde, kafe-tertulia, mintzalagun-saio eta ikastaroetan.

Apirilaren 30ean, Santi Kutz festen atarian, Legazpiko dendariak Mirandaolan elkarrekin bazkaltzera elkartu dira. Ekimen ezberdinetan parte hartu duten merkatariak ziren, izan ere euskara erabili nahi duten dendarien sarea handituz joan da eta talde ezberdinetako jendea elkartuz elkar ezagutu nahi izan dute. .

Irakurtzen jarraitu...

Euskaraz? Pozik gainera! Hori esanez hasi zuten urtea Legazpi, Urretxu eta Zumarragako dendariek eta gogotsu dihardute euskara sustatzeko ahaleginetan.

2006an Urola Garaia Udal Elkartearen eta hiru herrietako euskara zerbitzuen laguntzarekin merkataritzan euskara sustatzeko plana onartu zuten.

Beste hainbat ekintzaren artean, maiatzaren bukaeran lehenengo eta udazkenean ondoren kartelak egiten ikasteko saio praktikoak antolatu zituzten dendarientzako. Bertan dendariek, euskaraz idazteko aholku batzuekin batera, kartelak edo edozein agiri mota euskaraz sortu ahal izateko baliabideak internetetik lortzeko aukerak ere ikasi zituzten.

Irakurtzen jarraitu...