Badira urte batzuk jada, Ordiziako Udaleko Euskara Sailak, EMUNekin batera, herriko hemezortzi bat kirol elkarterekin elkarlanean diharduela, euren barruko eta kanpoko harremanetan euskararen erabilera bultzatzeko asmoz.

OLYMPUS DIGITAL CAMERA

Argazkia: Ordiziako Udalean hitzarmenen sinatze ekitaldia (2011. urtea)

Hala, denetariko elkarteekin hitzarmenak sinatuta ditugu, estatuko ohorezko lehen mailan ari den errugbi elkartearekin, esaterako.

Hitzarmen horiek bi motatakoak dira, entitatearen euskararen erabileraren arabera: A hitzarmena dute batzuek (elkarteak hainbat arlo gutxienez euskaraz betetzen dituela ziurtatzen duena) eta B hitzarmena besteek (elkarteak hainbat arlo batez ere euskaraz betetzen dituela ziurtatzen duena).

Hitzarmenen jarraipena egiteko eta bertan zehaztutakoak betetzen direla ziurtatzeko, noizean behin, jarraipen bilerak egiten ditugu elkarteekin.

Azken urteotan egindako urrats aipagarrienak hauek ditugu:

– Elkarteetako web orrien eta sare sozialen diagnostikoa.

– Kirol taldeetako entrenatzaileen ezagutzaren diagnostikoa.

– Ahozko neurketak sei elkarte nagusien talde banatan.

– Motibazio saioa saskibaloi entrenatzaileentzat.

– Hizkuntza irizpideen lanketa eta aitortza ekitaldia B hitzarmena duten elkarteekin.

Aurtengo helburuei dagokienez, entrenamenduetako hizkuntza ohituretan eragitea nabarmenduko genuke; hala, saskibaloi elkarteko talde batean eta futbol elkarteko beste talde batean bi hilabeteko proiektua jarri dugu abian, eta gauza bera egin dugu Urpekoak taldeko lau entrenatzaileekin. Emaitzak txukunak izan dira, denetan euskarak ahozko erabileran gorantz egin baitu, eta aurrera begira dinamika berdinarekin jarraitzeko interesa erakutsi baitute.

Aipatzekoa da, azkenik, Euskararen Egunean elkarteek euren alea jarri zutela, euskararen aldeko talde argazkian parte hartuz.

Aitzol Azpiroz (Ordiziako Udaleko euskara teknikaria)
Irakurtzen jarraitu...

Euskararen erabilera indartzeko asmoz, eta herriko taldeekin, eragileekin eta herritarrekin elkarlanean, gaur egungo egoera aztertu eta euskara plan berria osatzeari ekin dio Ordiziako Udalak. Guk Ordiziako Udaleko Imanol Iturriotz euskara zinegotzia eta Izaskun Zubitur euskara teknikaria elkarrizketatu ditugu xehetasun gehiago jakin nahian.

P1010255

1) Zein da euskararen egoera Ordizian?

Azken hogeita bost urteetako bilakaera aztertzen badugu, euskararen ezagutzak eta erabilerak gora egin dute; horrela, 2011n euskaraz dakitenak %57,2 dira eta euskararen kaleko erabilera %39 da. Belaunaldi gazteenetan du presentzia handiena euskarak, eta hori datu positiboa da. Hala ere, euskararen hazkunde horrek geldialdi bat izan du azken urteetan, batez ere ezagutzan eta etxeko erabileran. Beste alde batetik, euskara eta gaztelania ez diren beste hizkuntza batzuek ere bere txokoa egin dute Ordiziako egoera soziolinguistikoan. Ordiziarrek euskararen aldeko jarrera badute, baina, aldi berean, askori zail egiten zaio gaztelaniaz hitz egiteko duen ohitura aldatzea.

2) Zein dira herriak dituen indargune eta ahulezia nagusiak?

Esan dezakegu zaila dela inertzia apurtzea; asko aurreratu den arren, oraindik zerbitzuen sektorean gaztelaniari lehentasuna ematen zaio, eta sektore horretan eragitea nahiko zaila da. Beste alde batetik, umeen eta gazteen aisialdi eskaintza gehiena euskaraz bada ere, gaztelerazko eskaintzak ere nahiko zabala izaten jarraitzen du. Euskararen kalitateari dagokionez, gure partaidetza prozesuan jaso ditugun ekarpenen arabera, gazteek, euren arteko elkarrizketetan askotan nahasten dituzte bi hizkuntzak, euskara soilik era freskoan erabili beharrean.

Hala ere, Ordiziak euskararen erabilera indartzeko azpiegitura sendoa du: elkarte, talde eta eragile ugari ditu herriak eta, oro har, euskararen aldeko jarrera dute guztiek, eta batzuen inplikazioa eta ahalegina handia da. Horrekin batera, euskara modu naturalean erabiltzen duten talde eta norbanako ugari dago herrian, eta erreferente dira; bukatzeko, azpimarratu nahi genuke euskara ikasteko eta erabiltzeko baliabide ugari eskaintzen dituela Ordiziak.

Irakurtzen jarraitu...

Hamasei enpresa eta 230 langile tartean. Horiexek dira Ordiziako Udalak bertako enpresetan euskara sustatzeko bultzatzen duen Lanean programaren barruan dagoeneko lanean ari direnak. 2007. honetan beste zazpi enpresari luzatuko zaie ekimenean parte hartzeko gonbita.

Lanean programari 2005ean eman zioten hasiera, lan-munduan euskara sustatzeko. Ordiziako Udalak bultzatzen duen ekimena da eta Elhuyar Aholkularitza enpresa arduratzen da aholkularitza teknikoaz.

Zenbakiak eta asmoak

Irakurtzen jarraitu...