Urriaren 2an, “Adin Adin” proiektua aurkeztu zen Gipuzkoako Foru Aldundian; aurkezpen horretan parte hartu zuten Maite Peña Gizarte Politikako diputatuak, Ander Zapirain Ezinduen eta Desgaituen laguntzako zerbitzuburuak, Marta Agirrezabala Lankuko ordezkariak eta Xebastian Lizaso bertsolariak.

adin adin logoa

Argazkia: Lanku

“Adin Adin” proiektua Lankuk sortu du Gipuzkoako Foru Aldundiaren laguntzarekin; eta, EMUNen bezero diren San Jose eta Iurreamendi egoitzek, Gipuzkoako beste 9 adineko egoitzekin batera, egitasmo horretan hartuko dute parte.

Emanaldi horien baitan, bertso munduan ohikoak diren helburuak daude; errimez gozatzea eta tarte atsegin bat pasatzea, esaterako. Badira, ordea, adinari lotutako beste helburu berezi batzuk ere, horien artean daude, umorea eta oroimena lantzea edota barneko emozioei espazioa eskaintzea. 

San Jose eta Iurreamendi egoitzetan data hauetan izango dira bertso saioak:

  • Urriaren 15. San Jose egoitza. 17:00. Eneritz Artetxe eta Anjel Larrañaga.
  • Azaroak  24. Iurreamendi egoitza. 16:30. Amaia Agirre eta Anjel Mari Peñagarikano.

Emanaldien egutegia osoa hemen

Irakurtzen jarraitu...

Biharko Taldeko Azkoitiko San Jose Egoitzan lan egiten duten langileen euskara ezagutza altua da; 2012an egindako diagnostikoaren arabera, langileen %90ek ulertzen du euskara. Erabilera, ordea, beste kontu bat da; izan ere, diagnostikoa osatzeko egin genuen ahozko neurketaren arabera, %37 ingurukoa da erabilera.

Susana_Nekane_azkena

Datuak ikusita, Euskara Batzordean lankideen arteko hizkuntza ohiturak aldatzea jarri genuen helburutzat, eta trebakuntza saioetan zebiltzanekin hasi ginen. Ekimen honetan parte hartu duten Nekane eta Susanarekin elkartu gara egin dutena azaltzeko:

–   Azalduko al diguzue hizkuntza ohiturak aldatzeko dinamikan egin duzuena?

Susana: lehenengo, eguneroko lanean, normalean gaztelaniaz zein lankiderekin aritzen ginen identifikatu genuen. Gero, euskaraz egiten genuena baino gehiago egin genezakeen aztertu eta, erantzuna baiezkoa bazen, gutako bakoitzak bi edo hiru lankide aukeratu zituen, eta lankide horiekin zer egin zehaztu zuen.

Adibidez: nik lehen Mertxerekin dena gaztelaniaz egiten nuen; bera ere trebakuntza saioetan zebilen eta euskaraz ondo egiten zuela ohartu nintzen, eta berarekin gehiena euskaraz egiteko helburua jarri nion neure buruari.

Helburua zehaztutakoan, guztiak horma-irudi batean itsatsi genituen, begien bistan izateko. Gero, urtean zehar, pare bat jarraipen bilera egin ditugu nola goazen ikusteko.

–   Eta zein izan da bilakaera?

Nekane: ohitura batzuk aldatu dira. Orain, euskara gehiago entzuten da pasilloetan. Gainera, euskaraz ez dakiten lankide batzuk euskaltegian dabiltza eta, euskaraz eginda, nolabait ikaste prozesu horretan laguntzen diegula ohartu gara.

Udazkenean berriro egin genituen ahozko neurketak, eta erabilera %68koa izan zen; beraz, bilakaera ona izan dela esan beharko dugu.

Irakurtzen jarraitu...